তেওঁৰ বাবেই ৰৈ আছো, যি কেৱল মোৰ . . .

ৰ'দ জাকে ছাঁটো লৈ আনে 
তৰ্জনীত ধৰাই খোজ কঢ়ায়
আৰু লগতে লৈ যায় 
মোৰ সি কোন হয় ?
ডাৱৰীয়া নিঃকীন ! 

খৰালি নৈ খনক কোনে সুধে খবৰ
গাধোৱা দেখি কাষ চাপি অহাজনে ?
বুকুখন কুহুমবুলীয়া দেখে
গাৰঙী মেখেলাখন সৰি পৰে . . .

শীত বুলি গছজোপাই গা ঘেলোৱা নাই
পাতবোৰ সেউজীয়া
কাপোৰখন খুলি দিলেই নগ্ন
তাতে বতাহে সুখ খেপিয়াব !
পুতৌ লাগে তেওঁলৈ . .
কি বিছাৰি পাব বক্ষত ?
উঁঠজুৰি পঢ়িলে শুনিব

তেওঁৰ বাবেই ৰৈ আছো, যি কেৱল মোৰ ।