15 March, 2013

লিমাৰিক




অনিমেষৰ দুখ
সদায় শুকান মুখ
মনিয়ে ৰাতি ফেচবুক কৰে
আনৰ লগত চেটিং মাৰে
ফোন নম্বৰটোও বন্ধ হোৱাত সকলো হেৰাল সুখ ।


ৰিয়ান কাৰ তামোলৰ পাক
মাতে আহিয়ে বেটিৰ মাক
চুমা এটা লোৱা
যদি ভালপোৱা
তুমি যে মোক পালা সেইয়াই তোমাৰ লাক ।


ৰিয়ান কায়ে শিকালে
যিমান পাৰে বুজালে
কৰি আছো ট্ৰাই
হৈ গৈছো ফ্ৰাই
পটকৈ পঢ়ি লওঁক পাছত নহ'ব পাবলে ।

বৰষুণ ভালপাওঁ ....

বৰষুণ ভালপাওঁ
সমগ্ৰ সত্তাৰে...
সপোন দেখো
চুই চোৱাৰ
বুকুত পিন্ধাৰ

মুঠিত নাথাকে ভালপোৱাৰ সীমনা
অন্তহীন টোপালবোৰ মোৰ ঠিকনা
আবেগবোৰ সাঁচি থবলৈ নিদিবা
মই ক'ম তেতিয়া,
মোক ভালপোৱাৰ অজুহাত ।

বৰদৈচিলা ...

[...মৰমৰ একমাত্ৰ 'ভাইটি'ৰ হাতত ]

বৰদৈচিলা
চালখন হেৰাই যায়
বৰষুণে মজিয়া তিয়াই
উৰুখা পঁজাটো পিতাইৰ
মোৰ দৰে চকুপানী মচে

ভোকত ভালপোৱা
সদায়ে আন্ধাৰ

ভাইটি আইৰ পেটমছা
চকুত তাৰ সুখৰ আখৰা
ফটা কেথাখন গাত দি দিও
ঘৰৰ সেইখনেই শুকান বিচনা ।

• ৰাঙলী গাই •



ණ চাৰ্জলাইট ভূঞা

''শুৱনি আমাৰ গাওঁখনি অতি
প্ৰেমেৰে উপচি পৰে
আবেলি হ'লেই ৰাস্তাই ঘাটে
লোকেল পিৰিতি চলে. . . ''

আমাৰ গাওঁখনেই এনেকোৱা । প্ৰত্যেক দুঘৰৰ অন্তৰে অন্তৰে ছোৱালী এজনি হ'লেও আছেই, ল'ৰাও সমান । গাওঁ মানে ভীমে ভাতখোৱা চৰিয়াটোৰ সমান । নামঘৰত বাৰ্ষিক সবাহ পাতিলেহে হিচাপ ওলাই । বিলনিয়া কেইতাৰ চুৰিয়া তিতি যায় । আবেলি টাইমত একচক্কৰ দিবলে যোৱাৰ অভ্যাস আমাৰ গাৱৰ সকলো ডেকাৰে আছে

সেইমতেই গাটো দুবাল্টি পানীৰে পখালি মুৰত মিঠাতেল এজেবা আৰু কাজিনেমু ৰস অলপ লৈ বিন্দাছ সানি টেৰেনাম ষ্টাইলত সেওটা ফালি সুহুৰিত 'তেৰি মেৰি প্ৰেম কাহানি..' লগাই টিপটপ হিৰ' বাইচকুল খন চলাই ওলাই মই যাওয়ে ।
কালি কি হ'লঃ ওলাই যাওতেই ককা এজনে পালে । ককা মানে তামাম ককা । ৰঙা গাই গৰু এজনি মাত্ৰ, যি কথাই নাপাতক যেনেতেনে গাইজনীৰ কথা কবই । মোৰ দৰে সকলোৱে কামোৰ পাই । মোক ৰখালে । ভাবিলো আজি বৰবাদ । এফালে ইজনে ষ্টাৰ্ট দিলেই ।
: কলৈ যাৱ ? বুইছনে, তহতঁৰ বাপেৰ তেতিয়া সৰু ;এই যে অহাযোৱা কৰা ৰাষ্টাটো,
আমি মাটি তুলি বন্ধোৱা । তাৰ বহু বছৰৰ পাছত PWDয়ে লৈছে । PWDত আকো মোৰ ভাগিন এটা আছে । ঘৰ শৰাইঘাটৰ ফালে । শৰাইঘাটত আকৌ বৰ ডাঙৰ যুদ্ধ এখন হৈছিল বুইছ' । লাচিতে নবচোৱা হ'লে....। গৌৰীসাগৰৰ পৰা অলপ সিফালে লাচিতৰ নামৰ কলেজ এখন আছে, দেখিছনে তই ? সেইখিনে পৰাই মোৰ গাইজনী আনিছিলো । এতিয়াহে গাটো ধৰিছে তাইৰ । ৰাতিপুৱা শুই উঠিয়েই. . . . .

: ককা, কালি ৰাতিপুৱাই আপোনাৰ গাইজনীয়ে আমাৰ ঘাঁহ খালেহি । ঘাঁহখিনি আকৌ ৰমেন খুড়াই কিনি থৈছিল । সেই ৰমেন খুড়াৰ সৰুটোৰ লগত মই একেলগে পঢ়ো । সিয়ে মোক আজি কাটা ৪ বজাত সিহতঁৰ ঘৰ পোৱাকে মাতিছিল । চাপৰি ফালে ফুৰিবলৈ যাম । চাপৰিত আকৌ . . . .

: বুপাই তোৰ দেৰি হৈছে । যা ।

মই একে উশাহে ১৭ বাৰ ফুল পেদেল মাৰি হে ভাবিছোঃ আজি ভাল বাছিলো ।
জীয়াই থাকিবলৈ কি লাগে ?
তুমি ক'লাঃ অভাৱ ...
অভাৱ বোৰ বৰ গধুৰ
ভাগে ভাগে কঢ়িয়াম
জীৱনৰ সংজ্ঞা শিকি

চাঞ্চতে চাই ল'





নিসিংহ মুৰাৰী ভাওনাত আটাইতকৈ ওজু ভাওঁ দুটাই আছে । এটা কৃষ্ণৰ লগত ওলাব লাগে, লক্ষ্মী । বচনৰ নামত সঁচ একো মাতিব নালাগে । মনমোহন কাইদেউৰ নিচিনা টুৱেনটি টাইট হৈ আগলে গৈ থাকিব লাগে বিজুলী দুই এটা মাৰি মাৰি । ভজ নাইকিয়া লেডিজ বোৰেও সেইটো ভাও ভাগত পায় । দুইনম্বৰটো হ'ল দানৱ-গন । চাৰিটা মানুহ লাগে । চাৰিটা দানৱ । সেইকেইটাই বচন নিজে তিনিআলিৰ তক্তাত বহি চাদা মলি যিকেইটা পাতে তাকে পাতিলেই হ'ল । সেয়ে সকলোৱে তাকে ল'বলে হেতা ওপৰা কৰে । কাম মাথো এটাই ভক্ত প্ৰহ্লাদক শাস্তি প্ৰদান কৰিব লাগে বাপেকৰ কথা মতে ।
সেইবাৰ ভাবিলো মইও লও । লগত আৰু তিনিটা ।দুটা মোতকৈ সৰু, এটা ডাঙৰ । যেনেতেনে প্ৰবেশ মাৰিলো । প্ৰবেশ মৰাৰ পাছত প্ৰহ্লাদক আমাৰ লগত পঠিয়াই দিলে শাস্তি দিবলে । দুটা শাস্তি দিলো । তিনি নম্বৰটো শাস্তি দিছো পাহাৰৰ পৰা পেলোৱা । বাহিৰলে নি থৈ আহিলোগে । চাৰিওটা আহি নামঘৰৰ মজিয়া পালোহি । মইয়ে কলোঃ 'ভাইহঁত, এইবাৰ সেইপিচ মৰিবই । আমি পুৰষ্কাৰ পামেই । গতিকে অলপ সময় বিশ্ৰাম কৰো আহ ।'
বাকী কেইটাও মোৰ লগতে শুলে, মানে মাটিতে দীঘল দিলে । মই পটকে দেখিলো দুই নম্বৰ লাইনতে চালিয়া ছোৱালী এজাক বহি আছে ।
মোতকৈ সৰু দুটাক ক'লোঃ 'এইটো চাঞ্চতে মালকেইটা চাই ল' ।'
ওপৰত মাইক । সাওতকে গৈ গোতেইখন ওলাই গ'ল । তাৰপাছত গিৰ্জনী । আমি চকু মোহাৰি উঠি বহিলো । যেন একো গম নাপাওৱে । প্ৰহ্লাদেও কিবা বাং বিং গাই আহি আমাৰ ওচৰ পাইছিলহি ।

অকলশৰীয়া

অকলশৰীয়া
খেপিয়াই চাওঁ
গাৰুটো পাওঁ
বাঢ়ি যায় ব্যস্ততা
ভালপাওঁ বুলি কলো
সুখৰ পোছাক পিন্ধিলা
মই আতৰি আহিলো
চকুলোৰে দুভৰি তিতাইছা

স্বপ্নভংগ

স্বপ্নভংগ
বাটটোৱে আদবাটত আঁত হেৰুৱাই
নিথৰুৱা হুমুনিয়াহবোৰ সিচঁৰতি হয় ।

08 March, 2013

চৈ দিয়া নাওঁখনি ...

চৈ দিয়া নাওঁখনি
ঢলং পলং
তই চপালি ইটো ঘাটত
মই নামিব নোৱাৰো
বঠাডাল মোৰ..

• প্ৰেম এনেকেহে হয় •

.............
বতাহীৰ নাকফুলি পাত দেখিয়েই গহীনে পুইতকেনে প্ৰপ'জ ডাল মাৰি দিলে । ঘৰত থাকিলে গছৰ পৰা কলিতে ছিঙা তিনি বেগেত মান ইস্কাৰ্ট এটা, আৰু কলেজলৈ আহিলে নাড়ীৰ পোনলৈকে দুইফালে কটা ইউনিফৰ্মৰ চুৰিদাৰ । দুপাত্তা বুলিবলে যি এখন লয়, সেইখনে ডিঙিত চেইন নিপিন্ধিলে নেদেখিবলেহে লয় । এইবোৰ শগুন মানে বতাহীৰ । গহীন নালাগে ষোল্লশ ল'ৰা পাগল হ'ব । দেখদেখকৈ কলেজলৈ অহা দিনাৰ পৰা প্ৰপজ মাৰিম মাৰিম কে থাকোতে থাকোতে গহীনৰ টেন্দাৰ নটিছ খনো আঠ নম্বৰতহে পৰিলগে । ক'বলে গলে গহীনো চকুত নলগাবিধৰ নহয় । পুৱাই উঠি গুচোৱা পিয়াজটোৰ গতে মুখখন চুচে । হাফ চাৰ্টটোও দুইটা হাতত দুকোছ মাৰে । ওপৰফালে দুটা বুটাম খুলি গেঞ্জি এটা পিন্ধি অহা গোপনীয় সত্যটো ঘোষনা কৰে । চুলি কেইদাল যেনিবা জেণ্টল ষ্টাইল । পেণ্ট যিটো পিন্ধে, খোলোতে প্লাছ এটা লাগে । সেয়ে প্ৰায়ে জৰুৰী নহলে নুখুলেই । বগা আকটিভা এখন লৈ বাপেকৰ পইচাৰে তেল ভৰাই । হাতত নকিয়াৰে এপিচ ম'বাইল । বতাহিয়েও কি ভাল দেখি নাজানো টোটেল তেৰটা লৰাৰ ভিতৰত আমাৰ গহীনকে ইয়েছ কৈ দিলে । সেইদিনাৰ পৰা আৰু দুইটাকে যোৰা ভগাই দেখা নগ'ল । থাপতে পাই এদিন গহীনক সুধিলো -''বোলো বতাহীৰ কি খবৰহে ? কেনে চলিছে প্ৰেম ?''
: ''ধুইৎ... ধান্দা এটা লগাই আছো । এদিন দুটকা এটা খৰছ হ'ব । তাৰ পাছত মোকো চিনি নাপাই, মইও ।'' আমাৰ গহীনৰ মটলব চাওঁক ।

• বিষ ফুহাঁ •

................এইবিধ এক সাংঘাটিক ধৰণৰ ষ্টেটাছ টেগ । যতেই টেগ কৰে তাৰপৰাই টিঙিছ টিঙিছ নটিফিকেচন আহিয়ে থাকে, আহিয়ে থাকে । একেটা নটিফিকেচনে মুৰৰ যিকন ঘিউ নামৰ গোবৰ আছে, সেইয়া গাহৰিয়ে হেৰি নেফানেফ কৰাদি কৰে । চবে দেখা জেগাত অথবা চবকে দেখুৱাব পৰা জেগাত বিষ ফুহাঁ টেগ কৰিলে যি কি নহওঁক ছিণ্ডিকেটত মাল কমোৱাদি ফেচেলিটি কমাব পাৰি । কিন্তু যেতিয়াই ভুটানত আলফা লুকুৱাদি চুকে কোনে টেগ হব, উই মা অপাৰেচন অল ক্লীয়েৰেও পাত্তা নাপাই । মানুহক দেখোৱাবও নোৱাৰি টেগবোৰ ৰিমভ কৰিবও নোৱাৰি, ৰিপৰ্ট কৰি দিবও নোৱাৰি । সহি থাকা আৰু ধাম ধাম নটিফিকেচন । কোনোবা এপাকত ডেল ষ্টেইনক গেইলে দিয়া ১০৫ মিটাৰৰ কানতলিয়াটোৰ দৰে লাগে । কেতিয়াবা আকৌ দেওবাৰে অকনমান শুম বুলি ব্লেংকেটখন টানি লওতেই অফিচৰ বছে ফোন কৰি এক্সটা ডিউটি দিবলে মতা নিচিনা লাগে । আটাইতকৈ বেয়া টেগ কৰা ঠাই হ'ল ভৰি দুখনৰ মনিকাঞ্চন সংযোগত । সেইঠাইত কি সংগ দোষে কোবাই নাযানো কাকও দেখিব নোৱাৰা হৈ টিঙিৰি তুলা হয় । পাকে প্ৰতি হিৰুচিমা, পাকে প্ৰতি গনেচগুৰি । অখিল গগৈৰ চিঞৰত দিছপুৰ কঁপাদি বডিৰ চব ডিপাৰ্টমেণ্ট হিলি যায় । আঠুকেইটাই লুকাই চুৰকে আলিংগন কৰিবলে চেষ্টা কৰিলেই গহপুৰত অৰ্ডাৰ দিয়ে ফায়াৰিং । আপুনি পিকচাৰত বিদ্যা বালানক চাও বুলি বহিবহে, ৬ বজাৰ এলাৰ্ম বজাদি মাৰি থাকে টিটিটিটি টিটিটিটি । কেতিয়াবা মন যায় চাল্লা চেটেই উঠাই দিও নেকি, পিছে মেমৰীয়ে ফৰমেট হৈ যোৱাৰ ভয়ত বিধান সভাৰ অধিবেশনত ১০২ নং সমষ্টিৰ বিধায়ক জন বহি থকাদি থাকো আৰু । এইবিধ অনশন শেষ নোহোৱালেকে নকল পকেটত থকাৰ পাছতো কলম কামুৰি বহি থকা সুভাগ্যৱান ল'ৰাটোৰ দৰে থাকিব লাগে । সান্ধ্য আইন আগতেই উঠাই ললে যেনিবা আগতেই টেগ ৰিমভ কৰিব পাৰি । তাৰ পাছত জেগা ডুখৰ যেনেকুৱা হয় উন্নত দেশত চাল্লা তেনেকুৱাই দি গৰুও নাযায় । আচলতে কি হ'ল গম পাইনে ? বৰ্তমান মইও এভাগৰ অনশন কাৰ্যসুচী নিৰবে চাই আছো । বাওঁফালে, জেগাতে । :পি

• ওৱান মেছেজ ৰিছিভড •

'কিতাপৰ মাজতে লুকুৱাই থৈছিলো তোলৈ লিখা চিঠিখন
ভণ্টি জহনীজাতিয়ে পাই কৰে উকালতি
ধান বনাদি বানিছে মোৰে বুকুখন ।''

চিঠিবুলি কলেই ৰমৰমাই যায় । কিতাপে পত্ৰইহে পঢ়া কথা । ততা চোতালখনত লভ লেটাৰ বুলিও চিঠি এখন নিলিখিলে । বেলেগৰ চিঠি নপঢ়া নহয়। লুকাই চুৰকে বাকচৰ তলফালে থকা আমাৰ পেৰেণ্টচৰ লভ লেটাৰবোৰ পঢ়িছো । লগৰ ল'ৰাবোৰক প্ৰেয়সীলে আমিয়ে লিখি দিয়াইছো ।

'গৰম পানী যিমান গৰম,
তোমালে মোৰ সিমান মৰম ।'

' হাঁহে মাতে পেত পেত
তোমালৈ মোৰ মৰম বাঢ়ে নিতৌ এবেগেত ।'

চিঠি কেতিয়াবা কঢ়িয়াব লগাও হয় । হাতৰ টিপত, চকুৰ টিপত চিঠি বিলাই মাক বাপেকৰ আগত আলেকজেণ্ডাৰটো হৈ পৰো । পিছে নিজৰ বেলিকা পুজা হৈ যোৱাৰ পাছত গছৰ তলত থৈ দিয়া বিশ্বকৰ্মা মূৰ্তীটোৰ দৰে হয়গে । এদিনো নিজৰ নামটো ওপৰত অহা পঢ়ি পোৱা নাই, তলত নিজৰ নামেৰে লিখি পোৱা নাই । ভাবিলে ধৰ্মেন্দ্ৰৰ গতে হাতত চুলাই এবতল লৈ পানী টেংকীৰ পৰা জপিয়াই দিবলে মন যায় বুইছেনে । নাভাবো কাৰণে ।

তাৰ পাছতে কান ফুচ ফুচ আহিলে । ১১ বজাৰ পাছত যাদু সেৱা । ফ্ৰী । দিনটো মেছেজ মেছেজ । তেতিয়াও ভাবো ৰং নাম্বাৰ এটাও লাগিব নাপাইনে মোৰ ফোনটোত । কেতিয়াবা মবাইলটোক কওঁ ইটো জনমত তইয়ে পাপ কৰিছিলি, যাৰ কাৰণে ফল ভুঞ্জিছো মই । ভাঙি পেলাবও নোৱাৰি, নতুন এটা কিনিবলে যাওঁতে গাখীৰে মুখখন ধুই যাবলেও পইচা নাই । যি কেইটা মেছেজ আহে বাপেকৰ টেমা, ভুচুংপহু সেৱা । অপেন-ডিলিট । মাথা বেয়া । ফোন কৰো ১৯৮ । ছোৱালীকেইজনীৰ মাতটো বৰ ধুনীয়া । ৰিলায়েঞ্চে দিয়ে, বাকীবোৰে কাটি দিয়ে । নুবুজে পাই আমাৰ বোৰৰ কথা । তথাপিও ৰং নাম্বাৰ এটাৰ পৰা ফোন অহালে বাট চাও ।

আজি তাকে ১২ বজাত মেছেজ এটা আহিল । কণাগোসাঁইটোলৈ দীঘল সেৱা এটা কৰি খুলিছো আৰু, প্ৰথম লাইনটো দেখিয়ে ১২০ টকা দি দৈ টেকেলি এটা কিনি আনি পনীয়া দেখিলে যেনে লাগে, মাথাটো তেনেকোৱা হ'ল । ১১ মাৰ্চ ২০১৩ ৰ পৰা ১৫ দিনীয়া প্ৰশিক্ষন এটা ডিব্ৰুগড়ৰ লাহোৱাল কলেজত । চব বৰবাদ । ১২ তাৰিখে ভোজ এটা আছিল সেইটোও গ'ল । ১৭ তাৰিখে গুৱাহাটী যাম ভাবিছিলো সেইটোও গল । মোক মাডাৰে কি খাই পাইছিলে অ' । এতিয়া টালি টুপোলা লৈ ঘৰ ।



(০৮-০৩-২০১৩)

স্বাগতম


আপোনালোক সকলোলৈ স্বাগতম।
এইয়া মোৰ হৃদয়ৰ ৰাগ, জীৱনৰ ৰাগ, সপোনৰ ৰাগ।
মোৰ সত্তাত ঢৌ খেলা এমুঠি ৰাগক বুটলি ঠাই দিছো।
আপোনালোকৰ সময়বোৰ শুভ হওঁক।